Schtress

Ja, ds Läbe geit immer schneuer, hektischer und eifach gschtresster vorwärts. Auso öbs würklech vorwärts geit - das weisme nid so gnau ;-) 

Depressione u Börnout si ja ufem Vormarsch. Probieremer da chlei drgäge ds haute.

Drum isches wichtig, dass mir üs ou immer echli Zyt nähme für üs. Dr hektische Zyt echli entflie und ganz bi üs si. Natürlech chame für das ou eifach einisch oder zwöimau pro Jahr id Ferie. Blibe aber de immer no fasch 50 Wuche vomer nid richtig abefahre. Drum mi Tipp: 

Nimm dir gschider jede Tag 10 Minute Zyt für die, dini Xsundheit u dis Läbe.  10 Minute am Morge früecher uf, am Mittag oder am Abe vorem schlafe. Abefahre chasch du am beschte mit Meditiere. Vielch isches für di nochli komisch eifach da ds höckle u nüt ds mache. Wenn du seriös dranne blibsch, wirsch du das aber scho gli, gli chönne gniesse. Wenn du Tipps bruchsch, mäudi bi mir.


Liebe Gruess und schöni (vilech) erhousami Feschtzyt wünscht dir dr Fitmacher